Niadtong Oktubre 24, 2022 gilusad sa Police Regional Office 12 ang mutual fund program nga Health and Emergency Assistance for Rehabilitation and Treatment (H.E.A.R.T.) nga gihimo sa PRO-12 Grandstand, Tambler, General Santos City.
Ang aktibidad gipangunahan ni Police Brigadier General Jimili Macaraeg, Regional Director PRO12 uban si John Ralph Manilay, Vice-President ug Board of Trustee ug Golden State College, kansa maoy Guest of Honor and Speaker sa maong aktibidad.
Gipangunahan usab ni Manilay ang turn-over sa Cash donation nga gamiton alang sa gilusad nga programa.
Ang programa usab ka inisyatibo ni PBGen. Macaraeg nga nagtumong nga mahatagan ug tabang pinansyal ug benepisyo ang mga miyembro niini nga adunay sakit ug nasamdan panahon sa ilang trabaho.
Gipaniguro ni PBGen. Macaraeg nga mas palig-unon pa sa kapulisan sa PRO-12 ang ilang pundasyon aron maserbisyuhan ang katawhan sa padayon nga pagbubo ug suporta ug tabang gikan sa gobyerno, katawhan ug uban pang stakeholders.
(Source: Police Regional Office 12)