General Santos City – Gi-imbitahan sa National Tuna Congress si Presidente Bongbong Marcos isip keynote speaker para sa 22nd National Tuna Congress isip labaw sa Department Of Agriculture (DA).
Sumala kang Dominic Salazar, Chairperson sa 22nd National Tuna Congress nga hangtud sa karon wala pa silay nadawat nga unsa mang kumpirmasyon gikan sa buhatan sa presidente ug ilaha matud pa kining nasabtan.
Apan iyahang gipaniguro nga higayon mutambong ang pangulo sa maong tinuig nga aktibidad, andam sila ug higayon nga dili maapil sa schedule sa presidente ang National Tuna Congress anaa usab silay laing alternatibo. Gani gilauman na nga mutambong si Senator Cynthia Villar sa maong aktibidad isip committee chairman sa agrikultura sa senado.
Gipaniguro man usab ni Salazar nga nagpabiling tuna capital of the Philippines ang Gensan gumikan sa managlahing factor. Una ang landings kung asa nagpabilin taas ang ihap sa landings sa tuna sa GenSan Fishport nga mu-abot sa 250, 000 metric tons ug kung sumahon ang landings sa tibuok rehiyon, muabot sa 312, 000 metric tons.
Saysay pa niini kung basehan ang production, anaa sa Gensan ang halos tanang canning factories.
Gensan usab ang adunay pinakadakong volume sa export sa tuna rason nga dili angayang i-kumpara ang gensan sa ubang mga lugar nga naga-claim nga sila maoy tuna capital of the Philippines. (Alfredo Madas Jr.)