Maasim, Sarangani Province – Patay ang usa ka Polish National human nga nalumos, buntag kagahapong adlawa March 31, 2023, sa kadagatang bahin nga sakop sa usa ka Beach Resorts sa may Sitio Tampuan, Barangay Kamanga, Maasim, Sarangani Province.
Giila ni Police Major Herman Luna, Hepe sa Maasim Municipal Police Station ang biktima nga si Arkadiusz NIESLUCHOWSKI, 54 anyos, usa ka contractor, ug residente sa Poland Country.
Una nang nakadawat ang Maasim PNP ug report alas 11:20 sa buntag gikan sa personahe sa maong resort nga matud pa usa sa ilang guess ang gidala sa Maasim Provincial Hospital sa may Barangay Poblacion, Maasim, human nga nalumos .
Subay usab sa gihimong initial investigation sa Maasim PNP nasuta nga mga 7:30 sa buntag nag scuba diving ang biktima uban sa usa ka diving guide.
Human sa halos usa ka oras nga diving, muhawa na unta sa tubig ang diving guide ug ang diver lima ka metros gikan sa sea level. Apan samtang anaa pa sa tubig, namatikdan sa diving guide nga puno ug tubig mask sa diver maong gilayon niining gitanggal ang mask sa biktima dayon gi-aplayan ug first.
Paspas usab kini nga giala sa opsital sa Maasim apan gideklara na kining dead on arrival.
Nasayran nga ang biktima ang nahimong Kontraktor matud pa sa usa ka proyekto sa maong lungsod. Sa karon nagpadayon pa ang gihimong imbistigasyon sa Maasim, Municipal Police Station kalabutan na sa maong insidente.(Fred Degala)