General Santos City – KASAMTANGAN nang nag-imbestiga ang pamuno-an sa Gensan PNP ngadto sa usa ka Police Woman nga gireklamong wala mi-aksiyon sa reklamong pagpang-rape o lugos ilalum sa iyang buhatan sa Women’s and Children’sa Protection Desk (WCPD) batok sa usa (1) ka Pulis nga sakop sa Lagao PNP ngadto sa bag-ong ka-ila niining 17 anyos nga dalaga sulod sa usa sa mga Bunkhouse sa likorang bahin sa buhatan sa TEU-Gensan nga una nang gikareklamo sa Lola sa biktima.
Matud ni Gensan PNP Spokesperson PLt.Col. Rexor Jake Canoy nga gilayong gi-relieve o gitaktak sa iyahang posisyon ang nasampit nga Police Woman sa Hepe niini sa Police Station 1 (Pendatun PNP) nga PCapt. Cyrus Vince Arro ug padayon nang nagpahigayon ug imbistitigasyon sa nahitabo.
Dugang pa ni Canoy nga tanang taho nga mahidangat ug ma-record sa Police Blotter, kinahanglan hatagan gilayon kini’g aksiyon, hilabi na nga rape case ang gikasumbong sa kapulisan.
Nunot niini, nagpahinumdom si Gensan PNP Director Col. Olaivar Jr. ang mga sakop niining pulis nga buhaton gayud ang ilang trabaho nga gipanumpaan sa katawhan, dili ang ka-ibog sa lawas sa babaye. (Rem Agdon)
Photos: GSCPO