Pasado alas 10:00 kagabii, Enero 21, 2025, usa ka hamtong nga lalaki ang namatikdan nga misaka sa kinatas-an nga bahin sa SM Seaside City Cebu sa South Road Properties (SRP), Cebu City.
Matod sa mga kapulisan, ang maong lalaki misulay og pag-ambak gikan sa ika-upat nga andana sa maong establisemento. Daling miresponde ang mga emergency rescuers ug gidala siya sa Cebu City Medical Center (CCMC). Sumala sa mga awtoridad, ang biktima nagpanuigon og 16 anyos, tinun-an, taga Brgy. San Isidro, Lungsod sa San Fernado, Sugbo, adunay bali sa tiil ug uban pang kadaot sa lawas ang biktima.
Ang kapulisan sa Cebu City Police Office padayon nga ni imbestigar kon giunsa niya pagsaka ang maong lugar bisan pa sa hugot nga seguridad nga gipatuman sa mall ug unsay motibo sa iyang pagsulay pag kutlo sa kinabuhi.
Ang mga experto sa panglawas nagpahinomdum sa insidente sama niini nga sa kahinungdanon sa mental health. Kung ikaw o adunay kaila nga nagkinahanglan og tabang, palihug kontaka ang mga lokal nga mental health professionals o mga organisasyon nga naghatag og suporta o makatabang.
via Renante Socia Lada