General Santos City – Pinaagi sa Sangguniang Panlungsod (SP) 𝗣𝗿𝗼𝗽𝗼𝘀𝗲𝗱 𝗥𝗲𝘀𝗼𝗹𝘂𝘁𝗶𝗼𝗻 𝗡𝗼. 𝟮𝟬𝟮𝟯-𝟬𝟮𝟭𝟮𝟰 gihangyo karon sa Konseho ning dakbayan sa Gensan ang Philippine Health Insurance Corporation (PhilHealth) nga i-apil sa insurance coverage o health care program sa maong Ahensiya ang tanang klase sa cancer nga sakit.
Partikular nga gihangyo sa SP-Gensan alang sa nasampit nga katuyo-an si Acting President ug Chief Executive Officer EMMANUEL LEDESMA JR.
Wala gibutang sa Resolusyon kung nganong giduso kini nga matang sa hangyo ngadto sa PhilHealth.
Pero, gipa-ilalum na sa “urgent matters” ang maong Resolusyon aron hisgotan o tuki-on kini sa comeback session sa Sangguniang Panlungsod sa umaabot nga Hunyo 2023, human sila nag-session recess sugod karong adlawa Mayo 16, 2023. (Noel Abelo Jr.)