Sa report gikan sa Polomolok Municipal Police Station nasayran nga nakaangkon og daghang samad dinunggaban sa lawas ang biktima.
Kasamtangang wala pa’y ilahanan ang maong lalaki gawas nalamang sa suot niining short ug jacket kung asa ang hood niini ang mao’y giputos sa iyang ulo ug nakagapos ang kamot patalikod gamit ang tie box.
Gituohang dili taga Polomolok ug gilabay lamang sa maong lugar ang biktima. Padayon nga gapangalap og dugang impormasyon ang kapulisan kalabot sa maong krimen.
Nanawagan usab ang mga sakop sa Polomolok MPS sa mga adunay miyembro sa pamilya nga wala pa makit-an hangtud sa karon nga mudangop lamang sa ilang estasyon aron sutaon ang hulagway sa biktima.
(Source: Polomolok MPS)