Sultan Kudarat – Hugtanong gikondina sa Police Regional Office (PRO) 12 ang pagpabuto ug IED nga nahitabo sulod sa usa ka bus nga gikamatay sa usa ka biktima ug pagkasamad sa laing 11 ka pasahero sa bahin sa Purok Yellow Bell, Brgy. New Isabela, Tacurong City niadtong adlaw nga Domingo, Nobyembre 6, 2022.
Nasayran nga alas 11:30 sa buntag dihang nahitabo ang maong pagbusikad sa likod nga parte sa usa ka unit nga iyaha sa Yellow Bus Line nga may body number nga 2588 kansa padulong na unta sa public Terminal sa Tacurong City.
Dungan sa pagkondina, nag-paabot usab si Police Brigadier General Jimili Macareg, Regional Director sa PRO 12 pahisubo ngadto sa pamilya sa biktimang namatay.
Gimanduan na usab sa opisyal ang tanang han-ay sa PRO 12 nga magpahigayon ug masusing imbestigasyon para mahatagan ug hustisya ang pagkamatay sa inosenteng biktima ug pagkasamad sa 11 pa ka indibidwal.
Gimanduan na usab sa Regional Director ang tanang unit sa PNP nga mas pahugtan pa ang ilang mga lakang aron nga masiguro ang seguridad sa mga nag-unang kadalanan ingon man sa mga terminal.
(Source: PCADG 12)
