General Santos City – Mikabat gayud sa P68,000 nga kantidad sa shabu ang narekober sa mga awtoridad human sa pagsilbi sa search warrant sa balay sa target sa operasyon sa Barangay Buayan, General Santos City kagahapong adlawa, Nobyembre 30, 2024.
Ang subject naila sa gisang-at nga search warrant nga si alyas “Marvin, 30-anyos, ulitawo, ug nagpuyo sa nahisgutang lugar.
Base sa record sa General Santos City Police Station 3, alas 10:59 sa buntag dihang gisang-at ang search warrant sa hiniusang pwersa sa mga personahe sa GSCPO-Police Station 3, Regional Intelligence Division 12 ug Regional Mobile Force Battalion 12 ug ilang narekober sa posisyon sa suspek ang 3 ka pakete sa gituohang shabu nga adunay kinatibuk-ang gibug-aton nga 10 gramos nga nagkantidad og P10,000 pesos ug mga drug paraphernalia.
Ang maong dinakpan, nag-atubang karon og kasong paglapas sa Comprehensive Dangerous Drugs Act of 2002.