General Santos City – Ang kagamhanan sa dakbayan sa General Santos nigahin og P26 milyones nga budget alang sa rehabilitasyon sa Acharon Sports Complex ug ubang sports facilities sa Barangay Calumpang, isip pagpangandam sa umaabot nga Batang Pinoy Games, nga gikatakdang magsugod karong Oktubre 25.
Lakip sa mga obra ang pagpaayo sa swimming pool grandstand, warm-up track, comfort rooms, archery backdrop stopper, hagdanan, ug painting works sulod sa sports complex.
Si City Mayor Lorelie Pacquiao sa sayo pa niingon nga ang ika-16 nga edisyon sa national youth sports competition nakarehistro na og 36,000 ka nanambong.
Gipahibalo usab ni Philippine Sports Commission (PSC) Commissioner In-charge Olivia Coo nga ang Batang Pinoy Games karong tuiga mao ang “labing dako nga edisyon sa kasaysayan”. (Rem Agdon)