General Santos: Opisina sa AMPING PROGRAM, Mo – Undang pagdawat og Mga Kliyente

0
64
General Santos City – Gikabalak – an karon nga ma-undang sa pagdawat og adlaw-adlaw nga mga kliyente ang buhatan sa programang AMPING- Auxiliaries and Medical Program for Individuals and Needy Generals ning s’yudad sa General Santos.
Kini human gikabutyag nga nahurot na ang budget alang sa medical assistance sa dakbayan ubos sa programang AMPING- Auxiliaries and Medical Program for Individuals and Needy Generals, matud ni GenSan-SP committee on finance chairperson, ATTY. JOSE EDMAR YUMANG.
Sa ika-56 nga regular sesyon sa Sangguniang Panlungsod (SP) ning s’yudad sa General Santos, Nobyembre 7, 2023 gibutyag ni Konsehal Yumang nga nahurot na sa LGU-Gensan ang pundo alang sa financial ug medical assistance sa naasoy nga programa.
Sigun ni Yumang, zero budget na ang AMPING Program niadto pang buwan sa Hunyo 2023 ug kinahanglan kining pundohan pag-usab pinaagi sa supplemental budget nga P38 milyones sumala sa hangyo sa kasamtangang gadumala sa maong programa.
“𝘿𝙚𝙥𝙡𝙚𝙩𝙚𝙙 𝙣𝙖 𝙥𝙤 𝙖𝙣𝙜 𝙥𝙤𝙣𝙙𝙤 𝙣𝙜 𝘼𝙈𝙋𝙄𝙉𝙂. 𝘼𝙨 𝙤𝙛 𝙅𝙪𝙣𝙚, 𝙯𝙚𝙧𝙤 𝙣𝙖 𝙙𝙖𝙬 𝙖𝙣𝙜 𝙥𝙤𝙣𝙙𝙤 𝙣𝙖𝙩𝙤 𝙨𝙖 𝘼𝙈𝙋𝙄𝙉𝙂, 𝙨𝙤 𝙠𝙖𝙞𝙡𝙖𝙣𝙜𝙖𝙣 𝙩𝙖𝙡𝙖𝙜𝙖 𝙣𝙖 𝙥𝙤𝙣𝙙𝙤𝙝𝙖𝙣 𝙖𝙣𝙜 𝘼𝙈𝙋𝙄𝙉𝙂, 𝙙𝙖𝙜𝙙𝙖𝙜𝙖𝙣 𝙣𝙖𝙩𝙞𝙣 𝙖𝙣𝙜 𝙥𝙤𝙣𝙙𝙤 𝙖𝙩 𝙣𝙖𝙠𝙖𝙠𝙞𝙩𝙖 𝙣𝙜𝙖 𝙖𝙩 𝙙𝙞𝙣𝙖𝙜𝙙𝙖𝙜𝙖𝙣 𝙥𝙤 𝙣𝙖𝙩𝙞𝙣 𝙣𝙜 𝙋38, 51,514.97,” ang tipik sa pamahayag ni Konsehal Yumang.
Apan, nasayran nga nalakip sa wala aprobahe sa SP-Gensan ang nasampit nga budget human kini gi-presentar sa plenaryo human pakyas sab gi-aprobahan ni Gensan City Lorelie Pacquiao ang P20 milyong budget alang unta sa pa-sweldo sa mga Job Order (JO) workers sa SP-Gensan gikan Hulyo hangtud Desyembre 2023, ilalum sa Supplemental Budget No. 5-series of 2023.
“𝘿𝙪𝙧𝙞𝙣𝙜 𝙩𝙝𝙚 𝙘𝙤𝙢𝙢𝙞𝙩𝙩𝙚𝙚 𝙝𝙚𝙖𝙧𝙞𝙣𝙜 𝙞𝙩 𝙬𝙖𝙨 𝙨𝙩𝙖𝙩𝙚𝙙 𝙗𝙮 𝙩𝙝𝙚 𝙝𝙚𝙖𝙙 𝙤𝙛 𝙩𝙝𝙚 𝘼𝙈𝙋𝙄𝙉𝙂 𝙩𝙝𝙖𝙩 𝙬𝙚 𝙙𝙤 𝙣𝙚𝙚𝙙, 𝙋7 𝙢𝙞𝙡𝙡𝙞𝙤𝙣 𝙛𝙤𝙧 𝙚𝙫𝙚𝙧𝙮 𝙬𝙚𝙚𝙠, 𝙗𝙚𝙘𝙖𝙪𝙨𝙚 𝙤𝙛 𝙩𝙝𝙚 𝙣𝙚𝙚𝙙𝙨 𝙤𝙛 𝙩𝙝𝙚 𝙥𝙪𝙗𝙡𝙞𝙘.” dugang butyag ni Konsehal Yumang.
Tungod niini, gikanayon ni Gensan City Administrator, Atty. Franklin Gacal nga ang buhatan sa AMPING mahimong mapugos sa paghunong sa pagdawat og mga kliyente. (Rey Ombana)

Leave a Reply