General Santos: NFA South Cotabato Kapin Usa Kam Libo Kasako Nga Palay Ang Mapalit Gikan Sa Mga Mag-Uuma

Mukabat sa kapin usa ka libo kasako ang mapalit nga produktong  palay sa mga  mag-uuma matag adlaw sa  National Food Authority  kon NFA South Cotabato sa pito ka mga buying stations niini sa probinsya.

Matud ni  NFA South Cotabato Provincial Manager Hazel Solis nga halos ma-akumudar usab nila  ang mga mag-uuma nga nagadeliber sa  ilang  produkto nga palay sa ahensya.

Kini tungod anaa lang sa  trese   ngadto na sa katorse pesos ang buying price sa  mga traders sa probinsya.

Kalabutan niini,  matud ni  Solis nagpadayon ang ilang  pagpamalit ug produkto nga palay sa  mga mag-uuma ug may  bastante pa sila nga pondo sa procurement operations.

Nasayran nga anaa sa  P19.00 matag kilo ang buying price sa  NFA sa palay.

(Photo courtesy of NFA SoCot)