General Santos City – Atol sa pagsaulog sa National Women’s Month sa Veranza Mall Atrium karong adlawa, Marso 19, 2025, gipasiugda ni Mayor Lorelie Geronimo Pacquiao ang kamahinungdanon sa pagkaparehas ug inclusive development.
Sa iyang mensahe, subling gisubli sa mayor ang suporta sa lokal nga kagamhanan alang sa Persons with Disabilities (PWDs), lakip na ang Birthday Gift Incentives para sa mga PWD sa General Santos City.
Isip highlight sa selebrasyon, ang Persons with Disability Affairs Office (PDAO) nagpahigayon sa Pageant for Women with Disabilities nga adunay temang “Women in All Sectors, Lifting the Future in the New Philippines.”
Tumong niini nga hatagan og pasidungog ang kusog, kaisog, ug abilidad sa mga kababayen-an nga adunay mga kakulangan ug ipakita nga sila adunay importante nga papel sa katilingban. (Rem Agdon)
News&Photos: CMO-GENSAN