Arestado sa gikasa nga intel driven operation sa mga personahe sa kapulisan ang usa ka 57 anyos nga babaye mga alas 10:50 ang takna sa buntag,Marso 17,2025,didto sa Brgy. Palomoc, Titay, Zamboanga Sibugay.
Naila ang dinakpan nga si Delia Maabao Arceo, babaye, minyo, negosyante, ug residente sa Purok 3, Gatas, Kalawit, Zamboanga del Norte.
Nasikop kini pinaagi sa Kalawit MPS uban sa intel personnel sa 901st RMFB9 ug 2nd ZNPMFC,ubos sa Warrant of Arrest alang sa krimen nga Grave Oral Defamation in relation to Crimes against Public Order nga giisyu ni Hon.Jerry B. Patcho, Presiding Judge, 6th MCTC, Ninth Judicial Region, Labason Zamboanga del Norte pinetsahan Abril 15, 2019 nga adunay piyansa nga girekomendar nga mobalor sa P36,000.00.
Ang dinakpan gipahibalo sa iyang mga katungod sa konstitusyon ug gidala sa Kalawit Rural Health Unit alang sa medical examination ,homan gikustodiya gilayon kini sa Kalawit MPS alang sa tukmang disposasyon.(Medalyn U. Borja)
Source:Â ZNPPO