General Santos City – Balhog gyud intawon sa kulongan sa Bula Police Station ang duha ka mga lalaki human nadakpan sa akto sa gihimong entrapment operation sa Gensan PNP-Maritime kauban ang Police Station-6, miaging adlaw sa may Asai Village, Barangay Bula ning syudad sa General Santos, alas 12:30 sa hapon.
Ang mga dinakpan ang giilang silang Jhon Dee Lomocso, 35 anyos, ulitawo residente sa may Prk. San Miguel, Calumpang ning syudad, ug usa ka Ariel Bert Urdaneta, 27 anyos, minyo, taga Prk. Magnolia, Calumpang Gensan.
Nakuha sa duka ka dinakpan ang upat (4) ka buhing Mynah birds (Sturnidae) ug walay mapakitang igong dokumento.
Kasong pagsupak sa RA 9147 kon AN ACT PROVIDING FOR THE CONSERVATION AND PROTECTION OF WILDLIFE RESOURCES AND THEIR HABITATS, APPROPRIATING FUNDS THEREFOR AND FOR OTHER PURPOSE samtang ang nahisgutang mga langgam ang naa na sa kustodiya sa DENR CENRO 12. (Rey G. Ombaña)