General Santos City – Walo ka mga bag-ong self-propelled 155mm Autonomous Truck Mounted Howitzer System (ATMOS 2000) ang niabot sa Makar Port, General Santos City niadtong September 29, 2022.
Matud ni 6th Infantry (Kampilan) Division ug Joint Task Force Commander Major General Roy Galido, mukabat sa walo ka 155mm howitzers ang ihatag sa Joint Task Force Central kansa gamiton alang sa ilang counter-terrorist operations.
Ang maong mga military assets ang gibyahe gikan sa Naval Base Heracleo Alano, Sangley Point, Cavite City niadtong September 24, 2022, human sa gihimong send-off ceremony nga gipangunahan ni General Santos City Sumala ni USec Faustino Jr. Nga ang maong military assets pinakabag-ong military war equipment nga ‘game-changer’ kansa mas makapakusog pa sa pwersa sa Armed Forces of the Philippines hilabina sa internal security operations sa paggukod sa kaaway sa gobyerno.
Gibutyag usab ni Maj. Gen. Galido nga Ang “ATMOS usa ka pinakadakong armas sa Army Arsenal sa kasamtangan. Adunay automatic loading ug digital fire control, nga maka-deliver ug accurate fires nga nag-range hangtud sa 41 ka kilometros.
Gihingusgan usab sa opisyal nga dakong bentaha kini sa ilang pagpahigayon ug operasyon.
Ang ATMOS artillery ang gipalit ilawom sa Horizon 2 sa Revised Armed Forces of the Philippines Modernization Plan. Kini napalit sa Israel.
Ang kasundaluhan ang padayon sa pag-upgrade sa ilang mga armas isip usa sa mga pamaagi sa epektibong pagprotektar sa nasud.
Ang maong mga armas karon ang anaa na sa 10th Field Artillery Battalion “Rolling Thunder” kansa gi-activate niadtong June 2022.
(News & photo courtesy of 6th ID Kampilan Division)