GENERAL SANTOS CITY – Hawan na sa pagkakaron ang kahimtang sa Hadano Avenue gikan sa mga trailer nga ilegal nga giparking sulod sa right-of-way sa dalan sa maong dapit.
Kini human sa gihimong site inspection ni Engr. Irwin Demandante ug Engr. Larnie Rodriguez subay sa Hadano Avenue kaniadtong Hunyo 7, 2023.
Giila sa City Transportation and Traffic Engineering Division ang mga tag-iya sa mga trailers ug gituki nila ang mga kabalaka sa siyudad tungod sa kadagko sa mga sakyanan nga gina-park og delikado kini sa ubang nagasubay sa maong ruta sa kadalanan.
Mihatag og ultimatum si City Public Safety Officer, Atty. Jong Gonzalez, alang sa pagtangtang sa mga trailer nga gipanag-iya sa mga yarda nga nahimutang sa daplin sa Marbel-Makar Road, duol sa Makar Wharf. (Jun Abelo)