General Santos City – Opisyal nga gibuksan ni PBGEN ARNOLD P ARDIENTE, Regional Director sa PRO 12 ang Proficiency Driving Training Batch 1 para sa Calendar Year 2025 alas 8:00 sa buntag kagahapong adlawa, nga gipahigayon sa PRO 12 Grandstand, Camp General Paulino T. Santos, sa Tambler, General Santos City.
Ang inisyatibo sa pagbansay kabahin sa padayon nga pasalig sa PRO 12 sa pagpauswag sa kapabilidad sa operasyon ug kahibalo sa kaluwasan sa kadalanan sa mga personahe niini.
Tumong niini nga mapauswag pa ang kahanas sa pagmaneho, disiplina, ug pagsunod sa mga regulasyon sa trapiko sa mga opisyal sa pulisya.
Ang kalihokan nagtimaan sa pagsugod sa sunod-sunod nga mga paningkamot sa pagpalig-on sa kapasidad nga naka-iskedyul sa tibuok tuig, subay sa panglantaw sa Philippine National Police sa usa ka highly capable, epektibo, ug kasaligang police force. (Rem Agdon)
News&Photos: RPIO-PRO12