Thursday, May 23, 2024

General Santos: Mga personahe sa BARMM government o Bangsamoro Autonomous Region in Muslim Mindanao nibisita sa LGU Sarangani aron kakuhaan og pagtulunan ang maayong padagan sa internal auditing sa kapitolyo

- Advertisement -

Dul-an duha (2) ka adlaw nga nag-benchmarking sulod sa Kapitolyo sa Sarangani ang mga personahe sa BARMM kon Bangsamoro Autonomous Region in Muslim Mindanao.

Visit RPN DXDX General Santos

Gilangkuban kini sa kinse (15) kabuok mga personahe sa BARMM Government gikan sa Internal Audit Office gipangunahan ang delegasyon ni Internal Auditor 5 Hasmiene Ibrahim. Ilalum sila sa labaw sa BARMM Government nga si Chief Minister Ahod “Murad” Ebrahim, Al Haj, ang chairman sa Moro Islamic Liberation Front (MILF).

Anaa sila sa Kapitolyo sa Sarangani, kuyog si Mr. Bernard Jolly, team leader sa European Union sa ilang programa nga Support to Bangsamoro Transition, aron kakuhaan og pagtulun-an ang maayong padagan sa internal auditing nga gi-implementa ni Governor Steve Chiongbian Solon pinaagi sa Internal Audit Unit o IAU, sa pakig-alayon sa Commission on Moro Affairs sa Gobernador.

Ang ilang natun-an ang ilang basihan sa ilang mekanismo nga ipatuman sa pang-gobyerno sa BARMM naka-basi sa Cotabato City nga bag-o lang ni-arangkada human sa malampuson nga pagka-aproba sa Bangsamoro Organic Law.

Segun ni Internal Auditor 3 Fernando Tolete sa IAU Sarangani ubos sa superbisyon sa chief of staff ni Governor Solon nga si Executive Assistant 5 Cesario Cagas, nagpagiya ang Internal Audit Office sa BARMM sa mga proseso sa Baseline Assessment of Internal Control System (BAICS).

Kini nagpamatuod mga maayo ang pagdala ug paggamit sa pondo sa Kapitolyo ilalum sa “Sulong Sarangani flagship program-God centered Prosperity vision” ni Governor Solon kauban sila Vice Governor Elmer De Peralta, mga board member, ug sa suporta nila Senador Manny ug Congressman Ruel Pacquiao.

Niaging tuig 2020, nibisita pud sa Kapitolyo sa Sarangani ang mga MILF base and brigade commander, mga administrative ug political committee officer, mga myembro sa Bangsamoro Islamic Women’s Auxiliary Brigade ug uban pang personalidad aron tun-an ang programa ni Governor Solon sa good governance ug inclusivity, nga walay diskriminasyon sa tribu ug relihiyon sa pagdumala sa LGU.

Samtang gibisitahan ang Kapitolyo sa Sarangani sa taga-BARMM, ang mga provincial official ang nibisita pud sa mga munisipyo. Wala nakatambong si Governor Solon sa Kasalan ng Bayan sa Kiamba, apan nakaabot kini sa paniudto sa Kiamba foundation anniversary atong Pebrero 14. Nahimamat sila Kiamba Mayor Bogi Martinez, Vice Mayor Marijess Ancheta kauban ang mga vice mayor sa ubang mga munisipyo ug mga residente sa Kiamba.

Una nang giduso ni Governor Solon atong bulan sa Enero ug paspas usab na-aprobahan sa Sangguniang Panlalawigan sa pagpanguna nila Vice Governor De Peralta ug SP Finance Committee Chairman Board Member Joseph Calanao ang Usa ka Milyon ka pesos (P1M) aron tungaon ug i-ayuda sa Bangsi Festival sa Maitum ni Mayor Bryan Reganit ug sa Timpuyog Festival sa Kiamba para daghan ang malingaw ilalum sa new normal nga pagsaulog sa mga festival ug anniversary.

Niadto pud sila Governor Solon sa Kasalan ng Bayan sa Malungon atong Pebrero 23 nga gi-organisa ni Mayor Tessa Constantino. Gitugutan lang sa balaod nga maka-kasal ang mayor, dili ang gobernador maong ginadayo sa mga provincial official ang Kasalan ng Bayan.

(Source: PIO Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -