- Advertisement -
General Santos City – Gipakita sa PRO12 ang mga Confiscated, Captured, Surrendered, Deposit, Abandoned and Forfeited Firearms (CCSDAF) sa presensya ni Hon. Atty. George Erwin M. Garcia, COMELEC Chairman, may kalambigitan sa COMELEC GUN BAN alang sa nagsingabot nga Barangay ug Sangguniang Kabataan Election (BSKE) 2023.”
Gihimo ang maong presentasyon, atol sa 2nd Regional Joint Security Control Center Conference (RJSCC), diin gipresentar sa Police Regional Office 12 ang makahuluganon nga eksibit sa mga nakumpiska ug gisurender nga mga armas isip kabahin sa ilang misyon sa pagsiguro nga luwas ang BSKE 2023.
Sa iyang mensahe, gikanayon ni COMELEC Chairman Garcia, nga nga pinaagi sa pagpresenta ngadto kaniya sa mga nakumpiska ug gisurender nga mga armas, gipakita sa PRO12 ang ilang pasalig sa demokrasya ug kaluwasan sa proseso sa eleksyon.
Kini nga presentasyon nagsilbi nga usa ka pahinumdom nga ang kaluwasan ug seguridad sa panahon sa eleksyon mao ang labing hinungdanon alang sa usa ka mauswagon nga demokrasya.
Samtang, si Gensan PNP Acting Director Pcol Nicomedes Paña Olaivar Jr., nangulo sa General Santos City Police Office sa pagpresentar sa mga nakumpiska ug gisurender nga mga armas, nga nagpakita sa dakong dedikasyon sa balaod ug kaluwasan sa komunidad.
Kini nga hiniusang paningkamot nakiglambigit sa mga personahe gikan sa Police Station 1 hangtod sa Police Station 10 ug uban pang Units ubos sa GSCPO nga nagpasiugda sa ilang pasalig sa pagpatunhay sa hustisya ug kahusay. (Rey Ombana, photo courtesy of GSCPO)
- Advertisement -