Sarangani Province – Giawhag sa Department of Environment and Natural Resources (DENR) Region 12 ang publiko nga motabang sa pagpanalipod sa mga whale shark, nga nailhan sa lokal nga ‘butanding,’ bag-o lang nakita sa kadagatan sa Brgy. Tinoto sa Maasim, Sarangani Province.
Matod sa Protected Area Management Office sa Sarangani Bay Protected Seascape (PAMO-SBPS), ang mga lokal nga mga mangingisda nitaho sa daghang whale shark sighting sa maong dapit sa miaging mga semana, lakip na ang upat ka butanding sighting niadtong Domingo.
Si Atty. Felix S. Alicer, DENR-12 Regional Executive Director (RED) ug SBPS Protected Area Management Board Chair, niingon sa usa ka pamahayag nga ang presensya sa whale sharks sa protected seascape nagpakita sa ekolohikal nga importansya sa maong lugar.
Gipasabot niini ang mga pagtan-aw sa ilang mga batasan sa paglalin kadagatan nga nagsuporta sa ilang mga panginahanglanon sa pagpakaon.
Ang whale shark mao ang kinadak-ang espisye sa isda ug makita sa tropikal nga kadagatan, lakip ang Sarangani Bay. Kining mga mananap-dagat kasagarang molangoy ug mokaon sa gagmayng isda, itlog sa isda, ug uban pa.
Ubos sa Philippine Fisheries Code (Republic Act 8550, nga giamendar sa RA 10654), ang tanang espisye nga nalista ubos sa Convention on International Trade in Endangered Species of Wild Fauna and Flora (CITES), lakip ang whale sharks, giprotektahan. (Rem Agdon)
(News&Photo: DENR12)