Gidagsa sa daghanang katawhan sa katoliko ang Pasko sa Nayon sa Dakbayan sa Dapitan. Ang maong pagsaulog sa Pasko sa Nayon gisugdan panahon pa sa kanhi Mayor sa Dapitan nga karun Gobernador Rosalina “Nanay Nene” Jalosjos sa matag Simbang gabie nga pagasugdan matag Desyembre 16 ug matapos sa pasko sa gabie.
Saysay pa ni City Tourism Officer Apple Marie A. Agolong nga ang Pasko sa Nayon gisubay kini sa “Pista sa Nayon” nga gisuhid nga matag abot sa bulan sa Hulyo diin adunay pagpanghatag sa nga mga pagkaon ingon man ang pagpanghatag sa mga debotong katoliko diin sila mangadto ug manimba sa usa ka semanang Novena sa dili pa ipahigayon ang Kinabayo Festival sa Dapitan atol sa kapistahan sa maong Lungsod.
Ang tinuig nga aktibidad sa Dakbayan sa Dapitan Àng Pasko sa Nayon ug ingon man ang pagpanghatag ug pagkaon sa tanang mga manimbahay nga mga katoliko sa St. James the Greater Parish Church nga pagasugdan matag Desyembre 16 ug sa matag gabie hangtud na sa kasaulogan sa Pasko.
Kahibaloan ang maong aktibidad gihingusgan ug gipangunahan sa LGU Dapitan pinaagi ni Mayor Seth Bulet Jalosjos ubos sa programa sa batan-ong mayor ang Serbisyo Bilis Bullet (SBB) aron sa mahatagan ug kalipay ug maalaragaran sa husto ang katawhan sa Dapitan City. (Angelica T. Obina)
Source: Ryan Uy