General Santos City – Padayon ang pahimangno sa General Santos City Maritime Police Station alang sa pagsunod sa mga balaod aron nga protektahan ang kinaiyahan.
Sa nahimong pamahayag sa pamunuan sa Regional Maritime Unit-12, ang Station Chief sa GenSan Maritime Police Station, particular nga iyahang pahimangno ang may kabahin sa R.A 10654 kon ang AN ACT TO PREVENT, DETER AND ELIMINATE ILLEGAL, UNREPORTED AND UNREGULATED FISHING, AMENDING REPUBLIC ACT NO. 8550, OTHERWISE KNOWN AS “THE PHILIPPINE FISHERIES CODE OF 1998,” AND FOR OTHER PURPOSES.
Naglangkob dinhi ang mga balaod alang sa bawal nga panagat, ug ang illegal nga pagpanguha sa mga anaa sa kadagatan.
Kalabot niini, apil sa mga pahimangno sa Maritime PNP ang may kabahin sa illegal nga pagpanguha sa mga giant clams o taklobo.
Ning bag-uhay lang adunay napasakaan og kaso ilalom sa balaod sa RA 10654 section 102, kalabot sa nadiskubrihan nga ga-bukid nga “giant clams” kon mga Taklobo sa may Prk. Langkasa, Barangay Siguel, syudad sa General Santos.
Apil sa protected species ang mga giant clams kon taklobo, og kinsa man ang mapatud-an nga makasupak niini adunay atubangon nga kaso ug multa.
Sumala pa Bureau of Fisheries and Aquatic Resources (BFAR), nga ang mga giant clams kon mga Taklobo ang anaa sa listahan sa Appendix II sa the Convention on International Trade in Endangered Species of Wild Fauna and Flora (CITES).
Ilegal ang pagpanguha, pagpangolekta, pagpamaligya, pagpalit, pag transport, pag-export base na usab sa section 102b, sa R.A 10654 o kon ang Fisheries Administrative Code as amended.
Dili usab na kini bag-o sa maong lugar nga adunay mga giant clams nga nadiskubrihan og na-operasyunan.
Gani una ng nagpahimangno ang buhatan sa Department of Natural Resources kon DENR kalabot sa illegal nga pagpanguha og pagpamaligya sa maong mga species.
Gani mismong si DENR Secretary Roy Cimatu, ang una ng nagpahimangno sa mga katawhan nga dili mag-lambigit sa illegal nga pagpalit, pagpamaligya sa maong mga giant clams kon taklobo.
Una na usab nagpagawas og sertipikasyon ang buhatan sa Bureau of Fisheries and Aquatic Resources (BFAR), nga wala silay gihatag nga permit ngadto sa nahisgutang indibidwal nga nadakpan pinaagi sa operasyon sa Maritime-GenSan. (John Rey Somido)