Malungon, Sarangani Province – Sa pagpadayon sa flagship initiative niini, ang LGU Malungon, ubos sa pagpangulo ni Mayor Tessa Constantino, malampusong naghatud sa mga mahinungdanong serbisyo sa gobyerno direkta ngadto sa komunidad sa Barangay Lutay, Malungon, Sarangani Province, niadtong Agosto 9, 2024.
Ang LINGAP (Local Ingenuity in Alleviating Poverty) usa ka lokal nga inisyatiba sa LGU Malungon nga naghatag ug libreng serbisyo sa katawhan uban ang misyon niini nga magdala sa kinatibuk-ang 23 ka serbisyo sa gobyerno (22 gikan sa LGU Malungon ug dugang 1 ka serbisyo gikan sa PLGU Sarangani) ngadto sa mga hilit nga dapit sa ang Munisipyo.
Usa sa mga highlight sa outreach program mao ang Kasalan ng Bayan, nga adunay 51 ka magtiayon nga opisyal nga gikasal ni Mayor Tessa Constantino.
Sa iyang mensahe, si Mayor Tessa miingon:
“Dili nato sayangon ang mga serbisyo nga naa karon dinhi. Mangutana sa mga lamesa kung unsa ang mga ginapanghatag nga serbisyo, kay kining tanan makahatag ug katawhay somehow sa inyuhang kinabuhi diri sa atuang layo kaayo nga barangay. Unta dili na ta mubalik sa panahon nga kangitngit. Kung naa may mga tawo nga mu-impluwensiya sa atong huna-huna para dauton ang gobyerno ug mubalik ang mga kalaban sa gobyerno pina-agi sa paghatag ug kagubot sa atuang lugar, palihog i-report dayon sa atong mga opisyales sa barangay. Ipaabot sa mga concerned officials or pwede mo mudiretso sa akuang opisina para magreport sa mga suspicious activities kay ang atuang ginabantayan man gyud ang maayong buwas damlag sa atong mga kabataan. Walay lugar ang terorismo ug dili maayong mga activities dinhi sa Malungon. Kana matagamtaman lamang nato ang kahayag ug kahapsay kung ang tanang katawhan naay panaghi-usa ug kooperasyon. (Rem Agdon)
News&Photos: MIO-Malungon