General Santos City – Kasong pagsupak sa Sec 2 sa R.A 9165 ang atubangon sa lima ka mga dinakpan atol sa buy-bust operation sa PDEA ug kapulisan sa Brgy. Cannery, Polomolok, South Cotabato, ala una pasado ang takna sa hapon, milabay’ng adlaw.
Giila ni Kath Abad, tigpamaba sa PDEA 12 ang taget sa operasyon nga si Mary Joy Ostaga Alias Tabeb, 30 anyos nga empleyado sa usa ka pribadong kumpanya.
Subay sa ilahang monitoring kustomer niini ang uban sa iyahang kaubanan sa trabaho ug maka-abot sa GenSan, Sarangani ug mga kasikbit nga lugar sa South Cotabato ang iyahang pagpamaligya ug illegal nga droga.
Dugang pamahayag ni Abad nga lakip sa mga nadkapan silang Jocelyn Albaño, 45 anyos,m live-in partner sa target, Jojean Saul, 31 anyos nga gika-ingong source niini sa droga, Ariel Felisida, 40 anyos ug Ronald Lascuna.
Gawas matud pang Saul, aduna pay laing source sa illegal nga droga ang nasangpit ug kini matud pa ang ilahang gina-monitor. Ang balay niini maoy naga-silbing drug den.
Nakuha atol sa operasyon ang napulo ka sachet sa gituuhang shabu kantidad 35, 360 pesos ug managlahing drug paraphernalia.
Kalabot niini, gibutyag ni Abad nga nalakip sa target listed personality ang nasangpit nga target gumikan na usab sa kalapad sa ilahang area of operation.
Dugay na matud pa kini sa pagpamaligya ug illegal mnga droga rason nga gipahugayon ang operasyon. Sa karon ang lima nga dinakpan ang anaa sa kustodiya sa PDEA 12.
