South Cotabato – Ubos sa paggiya ni PCOL SAMUEL T CADUNGON, Provincial Director, ang South Cotabato Provincial Police Office (SCPPO), nagpahigayon sa Ceremonial Destruction o pagguba sa mga nakompiskang Firecrackers ug Pyrotechnics nga gihimo sa mismong tugkaran sa Provincial Headquarters sa SouthCot PNP sa Barangay Morales, Koronadal City ning milabay’ng adlaw.
Gilangkoban kini sa 1,593 ka nga firecrackers ug phyrotechnics, ingonman 98 ka bamboo cannon nga mas na-ila sa tawag nga Boga.
Ang maong kalihukan gitambongan ni PLTCOL JEODY LITO D GUISINGA, Deputy Chief of the Regional Community Affairs, PRO12, mga representante lakip na ang mga personahe sa Bureau of Fire Protection (BFP) Koronadal City, South Cotabato Provincial Explosive Ordnance Disposal ug Canine Unit (SCPECU) ug mga sakop sa South Cotabato Press Corps.
Ang aktibidad nagsugod sa usa ka makapadasig nga mensahe nga gihatag sa PLTCOL GUINGA, nagpadayag sa kamahinungdanon sa kalihokan alang sa kaluwasan sa publiko ug kaayohan sa komunidad. (Rem Agdon)
News&Photos: SPPO