ANGOL nga nadala sa balay tambalanan ang tulo (3) ka mga tawo human malambigit sa aksidente diha sa may Highway Mohon Tagoloan, Misamis Oriental, bandang 4:00 am, January 1, 2025.
Kini nga disgrasya gilangkuban sa usa ka single motor ug Tricab diin dali usab nga girespondehan sa MDRRMO Tagoloan Rescue Personel.
Ang mga naangol nga biktima nakahiagom og Multiple Abrasion, ang usa ka pasyente adunay posible nga dislokasyon sa abaga, ug ang kauban niini nakaangkon 1-pulgada nga laceration sa likod sa ulo, samtang ang angkas sa single nga motorsiklo nakaangkon og samad sa tuo nga bahin sa sulod nga ngabil.
Sa pagkakaron, anaa na ang mga biktima sa balay tambalanan sa NMMC alang sa dugang nga pagpaalim.