General Santos City—Gipahigayon kagahapong adlawa ang launching sa 2D echocardiography, digital mammography, ug histopathology (tissue biopsy) facilities ingon man sa hospital’s new supply room, computed tomography SCAN, ug expansion sa hemodialysis unit sa Dr. Jorge P. Royeca City Hospital (DJPRCH) kagahapong adlawa, September 28, 2022.
Girepresentahan ni Honorable City Councilor Richard Atendido si GenSan City Mayor Lorelie Geronimo-Pacquiao atol sa maong aktibidad.
Anaa usab ang presensya nilang Dr. Ryan Aplicador, DJPRCH Chief, Administrative Officer Karl Vincent Queipo, City Councilor Elizabeth Bagonoc, Provincial DOH Officer Dr. Shahrir B. Duldoco, ug mga staff sa DJPRCH.
Dungan niini, gipaniguro sa LGU-Gensan ngadto sa mga staff sa DJPRCH ang kanunay nga pagsuporta sa mga aktibidad ug programa gumikan usa kini sa mga top priority ni Mayor Lorelie Pacquiao aron mas mahatod ang maayong serbisyo sa katawhan sa syudad sa hisgutanang panglawas.
Gibutyag usab ni Chief of Hospital Dr. Ryan Oscar Aplicador nga ang launching ug blessing sa maong pasilidad nagtumong nga makonhuran ang trabaho sa mga empleyado sa DJPRCH ug aron nga malikayan ang pagbalhin sa tpasyente sa DJPRCH ngadto sa ubang mga hospital tungod aduna na may igong pasilidad nga anaa sa maong balay tambalanan.
Source: LGU-Gensan FB page