General Santos City – Sikop sa hiniusang pwersa sa Police Station 3, GSCPO, ang usa ka Drug Suspek sa may Odi St. Brgy. Lagao ning Dakbayan sa Gensan bandang alas 2:41 ang takna sa kabuntangon (January 28, 2023).
Ang Suspek giila sa pangalan nga si Reyvan B. Sebastian alyas ” Van-Van” 29 anyos ulitawo, usa ka laborer residente sa may Torres Street, Purok 5, Brgy. Dadiangas North ning Dakbayan sa Gensan.
Pinaagi sa usa ka nagpailang pusher buyer, malampuson nga nasikop ang nasampit nga suspek nga nakuhaan kini ug usa ka small nga sachet nga gituohang “Shabu” gamit ang 500 peso bill nga buy bust money.
Sa karon nagpabilin pa kini sa selda sa kapulisan sa may Police Station 3 sa Lagao PNP ug kasong paglapas sa Section 5 sa Article ll, sa R.A 9165 or Comprehensive Dangerous Drug Acts of 2002 ang pagaatubangon sa nasampit nga suspek. (John Rey Somido)