GENERAL SANTOS CITY – Dakpan sa pwersa sa Naval Forces Eastern Mindanao ang usa ka Indonesian nga sakyanang pangdagat KM PEJUANG DEVISA 2 karga ang smuggled nga Sigarelyo sa Balut Island ,Sarangani,Davao Occidental nakalabay’ng Septyembre 14,2023.
Mokabat sa 296 ka dagkong kahon nga illegal nga mga sigarelyo ang na intercept sa BRP Artemio Ricarte ubos sa operational control sa Naval Task Force 71 human nagpahigayon ug patrol operation sa ilang AOR.Gibanaang mokabat sa Php11,840,000.00. Duha usab ka mga ka Pilipinong tripolante ug duha ka undocumented Indonesian nationals ang onboard sa Sakyanang pandagat sa Indonesia.
Kasamtangan ang mga nakompiskang mga kontrabando ug mga personahi ang pormal nga gi-turned over alang sa saktong disposition sa Philippine Tobacco Institute, Bureau of Internal Revenue – Revenue Region No. 19, Philippine Drug Enforcement Agency XI, Bureau of Immigration XI, National Intelligence Coordinating Agency XI, Bureau of Customs Collection District XI, PNP Station 4-Sasa. (Rey G. Ombaña)