29.5 C
Manila
Friday, March 29, 2024

General Santos: Kapin 500k nga kantidad sa iligal nga sigarilyo, nakumpiska sa kapulisan sa South Cotabato

- Advertisement -

General Santos City – Mukabat sa kapin 560,000 pesos kantidad sa illegal nga mga sigarilyo ang nakumpiska sa kapulisan nga i-deliver unta ni Julius Abella sa mga tindahan sa Barangay Takunel, Lake Sebu, South Cotabato niadtong milabay nga semana.

Visit RPN DXDX General Santos

Pagbutyag ni PLT. COL. Joven Bagaygay, Hepe sa Lake Sebu MPS nga paghidangat nila sa lugar akto nilang nakit-an ang maong driver nga namaligya ug sigarilyo kansa nag- inusara ug tungod walay maipakitang dokumento gisikop kini sa kapulisan.

Wala usab gilauman sa opisyal nga maka-abot ang nasangpit sa lugar aron lang mamaligya ug illegal nga sigarilyo gumikan bukid na ang maong area pasulod sa barangay.

Saysay pa ni Bagaygay nga mo-abot sa 20 ka cartoons nga mga assorted illegal cigarettes ang ilang nakumpiska nga sagad maoy ginapalit sa mga tawo kay barato lang ang presyo kumpara sa ubang sigarilyo.

Aminado ang opisyal nga dili sa tanang panahon mamonitor sa kapulisan nga nagbantay sa mga checkpoint ang mga sakyanan nga naga-agi kung unsa ang mga karga gumikan sagad sa mga delivery van sirado.

Sama sa gisakyan sa maong driver nga usa ka mini-van ug tinted pa ang salamin niini hinungdan nga wala kini nakita sa otoridad.

Dugang pa ni LT. COL. Bagaygay nga basi sa pamahayag sa driver gikan matud pa sa Isulan ang mga dalang illegal nga sigarilyo ug wala sila nasayod kung si kinsa ang nanag-iya niini gumikan walay maipakitang dokumento ang nasangpit.

Kasong pagsupak sa RA 10863 kon Customs and Tariff Administration ang kasong gipasang-at sa kapulisan batok sa driver nga kasamtangang nabalhog sa selda sa Lake Sebu PNP, samtang ang nakumpiskang mga sigarilyo ug sakyanan ang anaa sa buhatan sa BOC Gensan.

Nanawagan ang opisyal sa katawhan nga dili mopalit ug illegal nga mga sigarilyo tungod wala kini buhis nga gibayad sa gobyerno. (Alfredo Madas Jr.)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -