GENERAL SANTOS CITY – Gilayon nga gisuhid sa taga City Disaster Risk Reduction Management Office ang pipila ka barangay nga nakasinate ug pagbaha gumikan sa pagbundak sa makusog nga pag-ulan kagahapon.
Nagpositibu ang taho nga may pipila ka barangay sa syudad ang gibaha apan walay gikataho nga nanghikling mga residente luyo nga adunay daghang residente sa Barangay San isidro ug Barangay Mabuhay ang nangayu ug tabang nga magparescue sa ilang kahimtang.
Nakita usab sa taga CDRRMO ang pagkatanggong sa daghang pasahero nga nalisdan pagpauli tungod taga tuhod ang tubig nga nasinati-an.
Nakiglambigit usab ang naasoy nga buhatan sa mga Barangay Disaster Risk reduction aron makuha ang katibuk-ang sitwasyon human ang pag-ulan. (Fred Degala)