Gisulayan unta pagdala sa tambalanan apan nabugtuan gyud sa kinabuhi ang usa ka bata human nalumos sa kadagatan.
Didto kini nahitabo sa Barangay Luyang, lungsod sa Carmen, probinsya sa Sugbo, pasado alas 12:30 kagahapon sa udto, Mayo 6, 2023.
Ang biktima giila sa Carmen Police Station nga mao si Francis Stephen Sagario, 4 anyos ang panuigon, residenti rapud sa maong lugar.
Sa imbestigasyon nga gihimo sa kapulisan nasayran nga unang nakit-an sa care taker sa usa ka balay ang bata nga naglutaw nga naka ubo.
Dali kini niyang giduol og nanawag og panabang sa mga tawo duol sa maong lugar.
Ila kining gi sulayan sa pagluwas pinaagi sa pag CPR sa wala pa gidala sa tambalan na didto na gi deklarar nga wala nay kinabuhi.
Nasayran usab nga kuyog sa iyang maguwang nga usa ka menor de edad ang biktima nga nangaligo sa maong beach ug wala nila na bantayi nga wala pa diay kini ni haw-as sa dagat.
Ang kapulisan sa lungsod sa Carmen padayon pa ilang imbestigasyon may labot sa pagkalumos patay sa usa ka bata. (Renante Lada)