General Santos City – Bisan layo sa GenSan ang insidente sa duha ka pagbusikad sa Tacurong ug Koronadal city, apan nakaalerto na ang mga kasundalohan sa dakbayan.
Kini ang gibutyag ni Col. Galileo Goyena, commander sa Joint Task Force GenSan (JTF GenSan) nga gipahugtan ang border ug checkpoints aron mapugngan ang posibleng pagsulod sa mga extremist groups nga mahimong makahimo og kasamok sa syudad.
Dugang ni Goyena nga nakasuporta usab ang JTF GenSan sa mga kapulisan aron sa pagbantay sa mga lugar na posibleng target sa pagpanghasi sa dautang elemento.
Gani, ginaawhag usab niini ang publiko nga ugaling may mamatikdan nga kadudahang tawo o butang sa ilang palibot, i-report gilayun ngadto kanila o sa kapulisan aron marespondihan.
Gipasalig usab niini nga may close coordination sila sa tanang establismento alang sa igong seguridad sa katawhan.
Padayun usab daw ang paggukod sa mga otoridad sa mga extremist groups nga mahimong makapabulabog sa kahusay ug kalinaw sa lugar. (John Rey Somido)