Davao City – Daling gidala sa balay tambalan ang 5 ka mga indibidwal kinsa sakay sa usa kia drop side truck nga kargado’g coco lumber human nga nahulog sa dakung kanal sa Purok 8, San Jose, Barangay Baracatan, Toril District, Davao City.
Ang mga biktima giila sa kapulisan sa Toril nga sila Virgil Ramohal, 32 anyos, taga Bunawan, Davao City nga maoy driver sa truck, Charity Abella, 19 anyos, Ayesha Alexa Millan, 10 months old, Alexander Millan, 24 anyos nga taga Purok Parrot, Inawayan, Davao Del Sur ug Allen James Concepcion, 20 anyos residente sa Purok 9, Bunawan, Davao City.
Base sa report ni Patrolman Francis Jim Gozo ang Traffic Investigator sa Toril Police Station, gikan sa Sibulan Sta. Cruz, Davao Del Sur ang truck nga kargado’g coco lumber ug pag-abot niini sa nahitaboan bandang alas 4:20 sa hapon, nag malfunction ang brake sa truck sanglit padulhog ang kalsada ug nawad-an og kontrol ang driver ug nahulog sa dakung kanal ang giignong truck. (Camille Santos Naraga)
(Source: Toril Police Station | PIO PRO-XI)