General Santos City – Human ang insidente sa linog niadtong 2019 kung asa ubay-ubay nga mga balay ug imprastraktura ang naguba ug daghan ang mga natala nga samdan ug namatay. Daghan ug nakat-unan ang Office Of The Civil Defense 12 Sumala kang Mae Balmediano, Information Officer sa OCD 12 nga pahugtan ang implementasyon sa Building Code Of The Philippines gumikan nakita nila nga human ang mga linog, daghan ang mga naguba nga balay ug imprastraktura nga nakita nga wala nisubay sa building code.
Gawas niini, ang PHIVOLCS ang nagmando sa tanan nga mga local government unit nga magmuntar ug intensity meter aron ma-record ug ma-monitor ang tanang linog nga masinatian sa usa ka lugar.
Dugang pamahayag ni Balmediano nga bisan ang Mines And Geosciences Bureau kon MGB ang nagpahigayon na usab ug assessment sa mga lugar nga sagad makasinati ug kalamidad hilabina ang mga landslide prone area.
Pagpaklaro niini nga kung adunay mahitabo nga linog, dili lang mga imprastrartura ang maguba kundili adunay mga matala nga pagdahili sa yuta.
Pagpaklaro niya nga adunay mga fault line sa Rehiyon 12 ug higayon nga adunay paglihok sa yuta ug kini maigo, lauman ang mga linog rason nga sila sa OCD uban ang Disaster Risk Reduction And Management Office ang nagapahigayon kanunay ug mga training ug seminar alang sa mga posibleng preparasyon nga himuon panahon sa kalamidad. (Fred Degala)