Nag courtesy call an Ako Bicol Partylist sa paagui nin Ms. Salieh Contante – Luces sa Alkalde kan Ciudad nin Iriga Hon. Rex Cuba Oliva para sa saindang aktibidades sa maabot na Sabado Marso 11, 2023 sa apat na tribu arog kan UYANGO TRIBE, ROCK VILLAGE, ILIYAN TRIBE, ASIN INURUGAN TRIBE Sitio Iliyan Brgy. San Nicolas Iriga City kun saen nakaistar an mga tugang na AGTA kan Ciudad nin Iriga.
Sa mga nagin pahayag ni Ms. Salieh Luces sinda nakipag-partner sa KBP Camarines Sur Chapter, Clean the World, para sa pananao kan nasabi nang mga hygiene kit arog kan sabon, toothbrush, toothpaste asin iba pa na hali sa Estados Unidos na pig-donate man sa Children International Phil. Kun saen haloy nang ka-partner kan Ako Bicol Partylist.
Mientrastanto sa maabot na marso 17 nasa Bulan Sorsogon man sinda para manao nin wheelchairs asin sa Marso 24 naka-schedule man sa dakulaon na tarabangan caravan kun saen magkakaigwa nin Medical Mission asin iba pa. asin march 25 opening man kan Ako Bicol Cup sa Camarines Sur. (Jv Navarro Verdeflor Jr. Interview with Ms. Salieh Constante-Luces of Ako Bicol Partylist)