General Santos City – Nagpasalamat si Sarangani Governor Rogelio Pacquiao sa tanan nga miapil sa Little League Philippine Series Mindanao Leg. Nagsugod ang maong event sa miaging Pebrero 4, og mahuman sa Pebrero 10, 2023.
Matud pa niini8 nga garbo sa probinsya ang paghost sa maong sports competetion. Nasayran nga 35 ka team gikan sa nagkadaiyang mga lugar ang apil sa nasampit nga kompetesyon. Ang mga partisipante ang Davao City, Valencia, Gingoog City, Kidapawan City, Maguindanao del Sur, Malita, Maitum, Maragusan, Tacurong City, North Cotabato Province, Zamboanga Sibugay, Aleosan, Maragusan, Medina ug Sarangani Province.
Ang mga dibisyon sa edad gikan sa 11 hangtod 16 anyos. Ang Mindanao leg usa ka qualifying tournament alang sa Philippine series sa Isabela City, nga usa ka elimination event usab sa pagpili og representante sa nasod alang sa 2023 Asia-Pacific Tournament. (Fred Degala)