General Santos giilang may pinakataas nga active case sa covid-19 sa tibuok Region-12

Giila ang dakbayan sa Heneral Santos nga may pinakataas nga aktibong kaso sa COVID 19 sa tibuok Rehiyon-12 base sa June 21 nga datus sa Department Of Health Region 12.

Sa maong datus nasayran nga adunay 69 ka active case ang Rehiyon, 36 ang anaa sa Gensan, 12 sa Koronadal samtang ang uban ang gikan sa Surallah, Alabel ug Polomolok. Sa pagsugod sa covid anaa sa 3.7% ang case fatality rate sa rehiyon samtang anaa sa 96% ang recovery rate.

Sumala kang Dr. Dyan Parayao, labaw sa Regional Epidemiology And Surveillance Unit sa pagkakaron gikonsiderang minimal risk ang Region 12 sa hisgutanang covid 19 kung itandi sa ubang lugar nga padayon pang gasaka ang kaso.

(John Rey Somido)