Gi-veto ni South Cotabato Governor Reynaldo Tamayo Jr. ang gi-amyemdahan nga Environment Code partikular na ang pag-lift sa open-pit mining ban sa probinsya.
Sa bag-uhay lang nahuman nga press Conference nga gipangunahan ni Gov Tamayo, iyang gibutyag nga siya midesisyon subay na usab sa rekomendasyon sa Technical Working Committee.
Iya usab gitumbok ang pagdali-dali sa mga miyembro sa Sanguniang Panlalawigan nga aprubahan ang amendments. Matud pa sa gobyernador nga wala siya nasayud sa rason sa mga nipabor sa lifting sa open pit mining ban nganong ilang gidali-dali ang pagaproba sa resolution nga nagduso sa pag-amyenda sa envi-code partikular ang pag lift sa open pit mining ban.
Gikumpirma usab ni Gov. Tamayo nga iya kining ibalik sa konseho ug tungod naka-recess karon ang Sangguniang panlalawigan, ang musunod nga Sanguniang panlalawigan na maoy magtutok, magtuon ug maghisgot niini.
Naglaum usab ang Gobernador nga tun-an ug maayo sa sunod nga SP ang maong resolusyon ug ilang tan-awon ang tanang anggulo nga mas makaayo matud pa sa probinsya.
Ang environment code ang pag-regulate sa mga minahan nga sakop sa awtoridad sa LGU sama nalang small scale mining. Samtang ang national government mao usab ang nagare-regulate sa operasyon ng large scale mining. (John Rey Somido)