Laing hugna sa online registration ang himoon sa City Veterinary Office alang sa libreng pagkapon ug paglaygit sa mga binuhing iro ug iring.
Ang link sa online registration abrihan karong adlawa, Lunes, Hunyo 6, sugod sa alas- 3:00 ang takna sa hapon.
Gipasabot ni Acting City Veterinarian Dr. Lucien Anthony Acac nga duha lamang ka mga pets matag pet owner ang gitugot nga marehistro.
Ang system sa online registration isirado sa higayon nga moabot na sa 100 pet owners ang nakaparehistro diin mopahibalo usab kini kung malampuson nga narehistro o wala.
Si Dr. Acac midugang nga ‘first-come-first-serve basis’ kini nga proseso.
Ug alang niadtong nakaparehistro, kamo pahibaloon sa inyong schedule pinaagi sa contact details nga inyong gihatag sa link. Busa, siguroha nga insakto ang contact information nga inyong gihatag.
(Source: City Veterinary Office-10 | Cagayan de Oro City Philippines Facebook page)
