General Santos City – Ang General Santos City opisyal na nga gipili nga host sa Batang Pinoy 2025! Ang importante nga pahibalo gisilyohan atol sa Turnover and Acceptance Ceremony nga gipahigayon kagahapong adlawa, Hunyo 1, 2025.
Uban sa bukas nga mga bukton ug taas nga paglaum, ang Panggamhanan sa Dakbayan sa pagpanguna ni Gensan City LORELIE PACQUIAO mainiton nga gihangop ang kahigayonan sa pag-host sa premirong grassroots sports competition sa nasod.
“Excited kaming tanan! Pingandaman namo kini. Dugay na namo ning gihandum,” paambit ni Mayor Pacquiao. “Himoon namo ang tanan para mahimong malamposon ang maong event. Welcome kamo sa Gensan—Home of the Champions!”
Si Philippine Sports Commission (PSC) Chairman Richard Bachmann mipadayag usab sa iyang hingpit nga suporta ug kadasig sa maong kalihukan: “Excited akong dad-on ang Batang Pinoy sa Gensan. This is one of the best Batang Pinoy.” (Rem Agdon)
News&Photos: LGU-Gensan (Tatak Heneral)