GIPAHINUMDOMAN ni Mayor Klarex Uy ang katawhan sa pag-amping aron malikay nga matakdan sa Monkey Pox nga karon nasinati sa ubang dapit sa Mindanao.
Matud ni Mayor Klarex nga angay sundon sa katawhan ang pahimangno sa City Health Office (CHO), apan gipasabot usab sa mayor nga wala gipugos ang katawhan sa pagsul-ob og face mask, hinuon ang pag-amping ug pagmatngon ang gikinahanglan.
Kini human gipahibalo ni Dr Dilla ang pagsunod ug pagtuman sa minimum public health standards, ilabina ang paghugas kanunay sa kamot ug pagpuyo sa balay kung adunay namatikdan nga dili maayo sa panglawas.
Nasayran nga ang mga timailhan sa Mpox mao ang hilanat, rashes, sakit sa ulo ug lawas, ingon man sa mga lymph nodes.
Ang MPOx makuha pinaagi sa close contact sa infected nga tawo o ba kaha hayop sama sa skin-to-skin contact, ug direct contact sa body fluids sa tawo.
Courtesy of CIO CDO