General Santos: Duha ka mga hepe sa pulis sa Gensan, Gi-Reshuffle

0
10
General Santos City – Nagpahigayon na ug lahugay sa mga Chief of Police sa dakbayan si Police Col. Jomar Alexis Yap, City Director sa General Santos City Police Office kung asa gibalhin sa Police Station 2 si Police Major Dennis Yuson gikan sa Police Station 7, samtang si Police Capt. Dave Diaz nga gikan sa Police Station 2, maoy gibutang sa Police Station 7.
Pagpaklaro ni Police Col. Yap nga walay kalabutan sa mga nahitabong kaso sa pagpamusil ang pagkambyo ug pwesto sa duha ka mga opisyal, kundili tungod sa walo ka mga presento sila nalang ang wala pa napahigayunan ug lahugay.
Pagpaklaro niini nga luyo pa man sa ihap sa pagpamusil sa area sa Police Station 7, sagad matud pa niini ang tumbok na ang suspek gani aduna pay duha nga nadakpan. Ang ulihing kaso sa pagpamusil, gitugyan na matud pa kang Police Capt. Diaz.
Dugang pamahayag ni Police Col. Yap nga adunay maayong performance and duha ka mga opisyal sa kapulisan, kung asa nag-overstay na matud pa isip hepe sa police station 2 si Capt. Diaz rason nga kini gibalhin.
Kung kanhinumduman matud pa, ubay-ubay nga mga awards ang nakuha ni Major Yuson sa milabay’ng bulan sa Enero sa Police Regional Office 12 Headquarters gumikan sa kalampusan niini sa kampanya batok illegal nga droga, wanted person ug uban pa.
Samtang, si Police Capt. Diaz ang adunay maayong mga programa kung asa ubos ang kaso sa krimen sa Police Station 2, ug siya nagtuo sa nga sa pagbalhin kaniya isip station commander sa Police Station 7, madala niya ang iyahang mga programa aron nga makunhuran ang kaso sa kriminalidad. (Fred Degala)

Leave a Reply