General Santos City – Padayon pang gisuta sa Kapulisan ning siyudad sa Heneral Santos ang motibo sa pagpamusil diin duha ka kinabuhi ang nakotlo. Nahitabo ang maong krimen alas 5:10 sa kahaponon Hunyo 27, 2023.
Sa Marcos Highway, Brgy Apopong, General Santos City. Giila sa ka Pulisan ang mga biktima nga Agustin Navarrete Gonzalez, 48 anyos ug nanimoyo sa 06-3A NLSA Road, Lagao ning siyudad sa Heneral Santos ingon man Romonito Arilla Evangelista, 49 anyos residente sa Purok 6 Lanton Barangay Apopong General Santos City.
Sa inisyal nga imbestigasyon sa Makar Police Station ang mga biktima naglawig sakay sa Honda XRM 125 motorcycle adunay temporaryong plaka numero d 1201-807465. gisundan sa duha ka wala mailang suspek sakay sabitom nga Bajaj motorsiklo ug Laing pang lalake sakay usab sa XRM motorsiklo kolor itom mipaulan ug mga bala ngadto sa mga biktima hinungdan patay on the spot si Evangelista samtang nadala pa sa SARMED Hospital si Agustin Gonzalez Aron unta matambalan apan 6:18 sa gabii gidiklara patay sa nag-atimang doktor. (Rey G.Ombaña)
