Surallah, South Cotabato – Hingpit nang gikasuhan sa PDEA-South Cotabato Provincial Office ang tulo ka personalidad nga una na nilang nadakpan pinaagi sa buy-bust operation nga miresulta sa pagkabungkag sa drug den sa Purok Rosas, Brgy. Dajay, Surallah, South Cotabato niadtong February 12, 2024, 7:55 sa gabii.
Mga suspek giila nga silang alyas JP (drug den maintainer), 21; Ian Lester, 20; ug Jefer, 23, susamang residente sa Brgy. Dajay, Surallah, South Cotabato.
Mukabat sa 11 ka sachets sa suspected shabu nga may timbang nga 12.3 grams nga may estimated value nga Php 83,640.00, 2 ka improvised tooters nga may suspected shabu, duha ka open transparent plastic sachets nga may traces sa suspected shabu, 3 ka foil strips with suspected shabu residue, buy bust money ug cellular phone.
Nasayran nga kasong kalapasan sa Article II sa RA 9165 o The Comprehensive Dangerous Drugs Act of 2002 ang gipasang-at batok sa mga suspek kansa balhog karon sa PDEA RO XII Custodial Facility. (Giovanni Pasco)