General Santos: Deputization Power sa HPG dili e-renew sa LTO-12

0
25
photo courtesy of LTO-12
General Santos City – Dili gayud e-renew sa Land Transportation Office (LTO) Region 12 ang “deputization power” sa taga Highway Patrol Group (HPG) human kini mi-expire niadtong Desyembre 2023.
Kana ang gikabutyag eksklusibo nganhi ni LTO-12 Regional Director MELHARRIEH “KING” TOMAWIS kagahapon sa hapon.
Gikonpirma ni RD Tomawis nga adunay lalum nga isyu nga gikalambigitan ang HPG-12 subay sa daghang mga reklamo sa mga motorista nga naka-abot sa iyang buhatan, hinungdang wala na gi-renew sa LTO-12 ang deputization order nila.
Pero ang maong opisyal nagdumili sa paghatag og direktang mga rason kung nganong hangtud karong mga panahona, wala nila gi-renew ang deputization power sa HPG-12?
Apan butyag ni Tomawis, nakabalo nang daan ang publiko sa mga isyu batok sa HPG.
Ug kung kabahin matud pa usab sa deputization power ang hisgotan, dili matud bu-ot si RD Tomawis nga abusohon kini sa bisan kinsa mang indibidwal o grupo. (Giovanni Pasco)

Leave a Reply