Miambak na sa 827 ang total confirmed Covid-19 cases sa General Santos City, human matala ang highest single day record nga 42 newly-reported cases.
Base sa October 31 case bulletin sa Department of Health, gikataho nga sa kinatibukang ihap, 256 sa mga niini ang gikonsiderang active cases.
Sa natala nga mga bagong pasyente, 22 sa mga niini ang lalaki ug 20 ang babaeng pasyente.
Gikataho usab sa bagong tracker data nga lakip sa maong mga pasyente ang tulo ka mga batang babae nga nagpangidaron og 1-year old; 4 years old ug usa ka 7years old.
Aduna usab usa ka 7-year old boy ang bagong nagpositibo sa maong virus infection. (Leo Marten Cellan)