29.6 C
Manila
Friday, April 19, 2024

Mamaligyaay Sa Bulak Sa Cathedral Gihangyo Nga Sabton

- Advertisement -

Cagayan de Oro City –  Si konsehal Edna Marban-Dahino, chairman sa komite sa women & family relations, mibati og dakong kalooy sa mga namaligya og bulak diha sa Cathedral human iyang akto nga nasaksihan nga gipanguha sa RTA ang ilang mga baligya nga bulak.

Si Dahino namahayag nga dako ang puhonan ug gani ang uban gibilin lang sa mga mag-uuma. Siya mihangyo nga unta taas-taason ang pagsabot kay intawon mao raman usab ang ilang kapanginabuhian ug wala nay lain ilabina niining panahon sa pandemya.

Dili unta nga kuhaon ang ilang mga baligya kay wala intawon kini nila pangayoa sa mga planters. Gani ang uban gibilin lamang sa mga tag-iya ug i-remit lang ang mahalin. Unsa paman ang ma-remit sa tag-iya kun naapil na pagkuha?, panawagan ni Dahino.

Siya midugang nga maayo lang sa adunay mga fix income kay adunay sweldo nga dawaton. Luoy kining naningkamot lamang nga mabuhi taliwala sa kalisod sa kahimtang sa ekonomiya nga walay lain nga alternatibo sa pagpanginabuhi.

Ang pagsabot ang angayan nga buhaton karon nga panahon sa pandemya tungod kay taas kaayo ang panahon nga walay palit sa mga bulak tungod sa giantos nga pandemya.

Unta bation usab sa tigpatuman sa balaod nga balik-balik lang ang pagpasabot  ug  kun mahimo gamitan sa megaphone ang pagpasabot nga kun dili magpatuo kuhaon ang ilang mga baligya nga adunay panglantaw ug pagsabot uban sa pagmahal sa isig ka tawo, pangaliyupo ni konsehal Edna Dahino.

Niini, siya kinasingkasing nga naghangyo sa buhatan sa Roads & Traffic Administration nga niining panahon sa pandemya unta magsinabtanay ug magkinaloy-anay tungod kay ang problema sa usa ka tawo mahimo kining problema sa katilingban. (Sangguniang Panglungsod)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -