General Santos City Health Office, Magsasagawa ng Mass Vaccination Kontra Polio

General Santos City Health Office, Magsasagawa ng Mass Vaccination Kontra Polio

by RPN News
74 views

Nakatakdang magsagawa ng mass vaccination kontra polio ang City Health Office ng GenSan katuwang ang mga volunteer organizations sa syudad.

Ayon kay Dr. April Mae Maquilang, Senior Officer IV ng CHO GenSan, layon ng programang Sabayang Patak Kontra  Polio na ikampanya ang kaalaman tungkol sa polio particular na sa mga sintomas, sanhi, at epekto nito sa tao, kasama na ang pagbabakuna sa mga batang 5-taong gulang pababa.

Paglilinaw ni Maquilang na sa ikalawang quarter ngayong taon ay bumaba ang bilang ng mga nagpapabakuna kontra polio dahil sa takot ng mamamayan sa dengue vaccine.

Liban sa datus na nabanggit, mas naalarma ang CHO GenSan dahil sa 4 na kompirmadong kaso ng polio sa buong bansa ay ikatlo ang nasa Maguindanao habang ang huli ay naitala sa Sultan Kudarat na parehong nasa Mindanao.

Isasagawa ang Sabayang Patak Kontra  Polio sa Nobyembre 25 hanggng Desyembre 7, 2019, habang ang ikalawa ay sa Enero 26 hanggang Pebrero 18, 2020.

0 comment

Related Posts